Usne Aisa Kyun Kiya Mere Sath?

friends, mera nam Sumita hai aur ye meri sachchi real love story hai.

Baat un dino ki hai jab main school mein padti thi. muje padhne ka bahut shouk tha par ek din ek ladka meri life me aa gaya. Usne mujse kha ki wo mujse bahut pyar karta hai. usne muje pahli bar i love u bola. wo mere reply ka wait kar rha tha. maine mana kar diya. use bahut bura laga.

Fir ek din mujhe uski friend ne bataya ki wo tujse bahut pyar karta hai. wo har din bus tere bare mein hi sochta hai. wo tujhe yaad karke bahut rota hai. usne mere liye apna hath bi kat liya tha or mujhe apne khoon se letter likh kar bheja tha. mujhe ye dekh ke bahut bura laga or main bhag ke bina kisi ki parwah kiye uske pas chali gayi or use i love u keh diya. wo us din bahut khush hua or mujhe use khush dekh kar bahut khushi hui kyunki ab main bhi usse bahut pyar karne lagi thi. 

Kyunki muje padna tha main usse bahut kam bat kiya karti thi taki main apni padhai kar saku or wo meri bat samajhta tha. mujhe bahut acha lagta tha. aise hi karte karte hamari bat aage badi. hum har roj phone pa bat karne lage. haalanki wo ladka waisa ni tha jaise sochti thi par fir bhi mai usse bahut pyar karti thi. mai uski khushi ke liye kuch bhi kar sakti thi or wo ye bat achi tarah se janta tha. usne bhi mujhe ye yakin dilaya ke wo mere liye kuch bhi kar sakta. mai uski har jarurat ko pura karti thi uske liye maine kabhi apne aap ki bhi parwah nahii ki. wo bhi shayad mujse pyar karta tha aise hi 3 saal tak chalta raha.

par ek din wo computer ke liye gaya. waha par shayad use koi or pasand aa gayi us din se wo mera phone bhi pick nahii karta tha. agar karta bhi tha to thik se bat nahi karta tha maine usse is bare ma bat kari ki muje batao tum mere sath aisa kyun kar ra ho to usne mujhe nahi bataya or wo mujsse har bat par jhuth bolne laga. fir ek din maine usse milne ke liye bulaya or usne mujhse badi aasani se keh diya ki wo kisi or se pyar kata hai usne mere bare ma ek bar bhi nahi socha or ye sunte hi mano mere sir pe aasman gir pada ho. mai tut gayi wahi bikhar gayi or use koi farak hi nahi pada. mere liye wo meri jindagi se badhkar ban gaya tha. mai waha se chup chap chali aai or phir mujhe pata chala ki wo mere bare me sabko galat batata hai.

mai bahut roti hoon use yaad karke. mujhe us ki bahut yaad aati uske sath bitaya hua wo ek ek pal yaad aata hai. us din se mere liye pyar shabd jo meri jindagi hota tha, aaj usi pyar se mai bahut darti hoon. kyuni wo mujhe us waqt chhod kar gaya jab mujhe uski jarurat thi. us din se aaj tak mai kabhi pyar par trust nahi kar paai or shayad kabhi kar bhi nahi paaungi. chahe wo mujhe bhul jaye par mai aaj bhi sirf or sirf usse hi pyar karti hoon.

Ab aap hi bataiye doston ki main kya karun, mujhe kya karna chahiye. Is tarah tadap tadap ke to main ek din mar hi jaaoongi.

Story by Sumita